电镀上色够统一Metal Build Strike Free

     
电镀上色够统一Metal Build Strike Free

作为高达迷,就算比较锺意买模型返嚟自己上色,都唔可能错过Metal Build呢个系列,因为不论设计、用料同做功,呢个系列都可以称得上係现时最顶峰嘅产品。最新嘅Metal Build Strike Freedom Gundam啱啱抵港,笔者当然第一时间入手,同大家一齐睇吓今次效果如何。

Metal Build最主要特色当然係用上好多金属製作,基本上大部份关节位都係金属製成,所以感觉唔会咁易扭烂。事实上,Bandai亦刻意设计到关节可以大幅扭动,玩家就可以放心帮高达摆出更多唔同嘅姿势,呢一点喺任何其他系列都好难做得到。今次Strike Freedom Gundam当然拥有呢个特点,但过去Strike Freedom Gundam嘅产品出咗好多,差不多可以话所有系列都有佢份,而基本上每一只喺造型上都有一定嘅分别,咁究竟今次会係点呢?[adTag]

电镀上色够统一Metal Build Strike Free

◆ 呢只Metal Build Strike Freedom Gundam感觉特别重装甲。

电镀上色够统一Metal Build Strike Free

◆ 好多位都有电镀,而上色位嘅金色亦好统一。

电镀上色够统一Metal Build Strike Free

◆ 手部关节可以作出大角度扭动。

电镀上色够统一Metal Build Strike Free

◆ 膝关节连动係预料中事。

电镀上色够统一Metal Build Strike Free

◆ 上胸装甲同心口部件都有连动。

电镀上色够统一Metal Build Strike Free

◆ 光之翼改动好大,除咗内外两片Size唔同,连前后两块顶部位置Size都有分别(原先设计係一样Size)。

电镀上色够统一Metal Build Strike Free

◆ 腰部大炮。

电镀上色够统一Metal Build Strike Free

◆ 两支炮可以翻去后面。

电镀上色够统一Metal Build Strike Free

◆ 之后两支枪就可以挂腰。(其实咪一样咁阻地方!)

电镀上色够统一Metal Build Strike Free

◆ SF主打背8支浮游炮,所以武器唔多。

电镀上色够统一Metal Build Strike Free

◆ 两支枪可以合成一支,合体方式亦有改动。留意两支光剑其实可以合体。

电镀上色够统一Metal Build Strike Free

◆ 8支浮游炮,四大四细。

电镀上色够统一Metal Build Strike Free

◆ 其实笔者个人几锺意呢个双层光盾嘅设计,效果几好。

电镀上色够统一Metal Build Strike Free

◆ 支合体枪会唔会太长……

电镀上色够统一Metal Build Strike Free

◆ 同Destiny放埋一齐,一正一邪!(不过笔者都係锺意Destiny多啲。)

从盒中拎个机体出嚟嘅时候,首先感觉係好坠手,不过呢点係理所当然嘅,毕竟用咗好多金属去製作。正因为咁,亦带嚟另一个特点,就係所有关节都好紧,好处梗係冇咁易自己鬆开,但玩起嚟就要用多啲力先扭得郁,讲真有时真係会谂「咁大力会唔会整烂」;而且发现有啲位会比较难「微调」,但争呢些少可能就影响到佢企唔企得到喺度,所以都唔知应该话佢係优点定缺点好。第二个感觉就係「几精细」,但身形比例一般。主体膞头装甲造得明显比较大,而今次呢只Metal Build跟之前同系其他高达一样都係细脚板,会畀人上身大咗少少嘅感觉。

装上背包同下身两支炮,感觉就完全唔同晒,唔会觉得比例有问题,因为佢睇落散发出一种霸气,顶多净係觉得背部几支翼大得有啲夸张。整体观感其实非常有型,但因为感觉比较「重装甲」,畀唔到Strike Freedom喺动画入面果种灵活感你。由于背包大、翼又夸,加上腰侧两支炮几阻掟,因此即使机体本身各个关节可扭动角度都好大,但实际当你想摆出大动作姿势时,就可能会发现手脚畀其他装甲阻住,令人略微有「得物无所用」嘅感觉。

相比原设计,呢只Metal Build Strike Freedom Gundam好多位置都有所改动,例如膞头装甲再做大咗、背包八支浮游砲从一样Size改成四大四细、双枪合体方式亦变样,令合体后睇落更修长等等。不过色彩方面,就冇之前Freedom Gundam或者Destiny Gundam咁整灰咗,反而保留番纯白做主色,令呢部Strike Freedom望上去更加正气,尤其当你放埋部刻意恶魔化嘅Metal Build Destiny Gundam喺侧边,对比就更为强烈。讲到色彩,笔者最感安慰嘅其实係佢身上嘅金色电镀位,以及上色位色彩非常统一,唔似得Bandai先前好多产品(包括之前嘅MB金迷天)咁,因两个位置色彩不一而变得碍眼。

整体嚟讲,笔者会觉得呢只Metal Build Strike Freedom Gundam于造型、造工同可动性,都算对得住个价(非炒价计),不过就唔似得同系Destiny Gundam咁有惊喜。如果本身冇入Destiny,又唔係对Strike Freedom特别有爱,真係未必需要一入。不过呢次Bandai醒目地公布咗Destiny将会再版,假如想到时储齐两只放埋一齐,暂时都仲係好机会。毕竟一向大部份MB糸列只会越炒越贵,今次Strike Freedom Gundam作为主角机,相信亦唔会例外,顶多等埋亚版到货,价钱平少少就好拿拿林入手。另外顺带提一提,Metal Build Strike Freedom Gundam专用光之翼特效件亦啱啱开订,之但係四块胶片卖成五旧水,值唔值得真係见仁见智,笔者会建议你至少睇下自己有冇位摆先决定买唔买喇!

电镀上色够统一Metal Build Strike Free

◆ 呢四块胶片卖成五旧,笔者觉得好过去抢(但身体又会好诚实咁去买……)